ரஸீன் ரஸ்மின்
அடுத்த ஆண்டு நடைபெறும் என எதிர்பார்க்கப்படும் தேர்தல்களில் அங்கீகரிக்கப்பட்ட அரசியல் கட்சியான ஐக்கிய காங்கிரஸ் கட்சி சகல மாவட்டங்களிலும் போட்டியிடவுள்ளது.
எதிர்வரும் 2024 ம் ஆண்டு பாராளுமன்ற தேர்தல் உட்பட இரண்டு தேர்தல்களை நடத்த தீர்மானித்துள்ளதாக ஜனாதிபதி ரணில் விக்ரமசிங்க தெரிவித்திருந்தார்.
எனவே, எமது ஐக்கிய காங்கிரஸ் கட்சி தேர்தல்கள் ஆணையகத்தினால் பதிவுசெய்யப்பட்டதன் பின்னர் இடம்பெறவுள்ள முதலாவது (பாராளுமன்ற) தேர்தலுக்கு வேட்பாளர்களை தயார் செய்யும் நடவடிக்கைகளில் கட்சியின் உயர்மட்ட உறுப்பினர்கள் ஈடுபட்டு வருகின்றனர்.
அத்துடன் எதிர்வரும் பாராளுமன்றத் தேர்தலில் ஐக்கிய காங்கிரஸ் கட்சி கட்சியின் சின்னமான ஒட்டக 🐪 சின்னத்தில் நாடளாவிய ரீதியில் அனைத்து மாவட்டங்களிலும் தனித்து போட்டியிடத் தீர்மானித்துள்ளது.
எனவே , ஐக்கிய காங்கிரஸ் சார்பில் பாராளுமன்ற பொதுத் தேர்தலில் போட்டியிட விரும்புவோர் தங்கள் முழுப் பெயர், தேர்தல் மாவட்டம், தொகுதி என்பவற்றை குறிப்பிட்டு தேசிய அடையாள அட்டையின் பிரதியில் கையொப்பம் இட்டு கீழ் உள்ள வட்சப் இலக்கத்திற்கு அனுப்பி வைக்குமாறு ஐக்கிய காங்கிரஸ் கட்சியின் கொள்கை பரப்பு செயலாளர் ஸப்வான் சல்மான் கேட்டுள்ளார்.
இதுதொடர்பாக மேலதிக விபரங்களை பெற்றுக்கொள்ள அல்லது விபரங்களை அனுப்பிவைக்க கட்சியின் தலைவர் 0777570639 மற்றும் கட்சியின் கொள்கை பரப்பு செயலாளர் 0771676166 இலக்கங்களுடன் தொடர்பு கொள்ளவும்.